×

कोरोनाविरुद्धको भेरोसेल खोप लगाउने कार्य स्थगित

तामाङ आवाज


१६ वैशाख, काठमाडौं । सरकारले कोरोनाविरुद्धको भेरोसेल खोप लगाउने कार्य काठमाडौं जिल्लामा स्थगित गरेको छ । स्वास्थ्य सेवा विभागले भेरोसेल खोप लगाउने कार्य वैशाख १६ गते (बिहीबार)देखि स्थगित गर्ने निर्णय गरेको हो । वैशाख १६ गते पनि सो खोप काठमाडौंमा निरन्तर संचालन गर्ने भनिएकोमा अब सो खोप लगाउने कार्य केही समयको लागि स्थगित गर्ने निर्णय भएको स्वास्थ्य कार्यालय काठमाडौंका प्रमुख जनस्वास्थ्य प्रशासक बद्रीबहादुर खड्काले जानकारी दिएका छन् । खड्काले जारी गरेको सूचनामा भेरोसेल खोप लगाउने कार्य किन स्थगित गर्नुपर्नाको कारण भने उल्लेख गरिएको छैन । यद्यपि यो खोप लगाउने स्थानमा भएको अव्यवस्थित भीडभाडले संक्रमणको जोखिम बढाएको थियो । यो पनि पढ्नुहोस यही भीडबाटै पो कोरोना सर्ने हो कि ! भेरोसेल खोपको आठ लाख डोज चीनले नेपाल सरकारलाई अनुदानमा उपलब्ध गराएको थियो । दोस्रो चरणको खोप अभियानअन्तर्गत गत चैत २५ गतेदेखि भेरोसेल खोप लगाउन शुरु गरिएको थियो । यो खोप १८ वर्षदेखि ५९ वर्ष उमेर समूहका व्यक्तिहरुलाई दिइएको थियो । नेपालमा कोरोनाविरुद्धको कोभिसिल्ड खोप पनि प्रयोग हुँदै आएको छ । कोभिसिल्ड खोपको १० लाख डोज भारतले अनुदानमा दिएपछि गत माघ १४ गतेबाट खोप अभियान शुरु भएको थियो ।

सम्बन्धित खवर

थप तीन जनामा कोरोना संक्रमण पुष्टि
१७ बैशाख २०७७, बुधबार

ओलीको ‘अर्ली महाधिवेशन’ प्रस्ताव माधव नेपालद्वारा...
१६ बैशाख २०७७, मंगलवार

काठमाडौं छाड्नेको ताँती (फोटो फिचर)
३० चैत्र २०७६, आईतवार

‘काठमाडौंबाट कसैलाई नपठाऊ, भारतबाट कसैलाई आउन नदेऊ’
२९ चैत्र २०७६, शनिबार

उच्चस्तरीय संयन्त्रले नेकपामा हलचल, कानुन मन्त्रीले...
२९ चैत्र २०७६, शनिबार

लकडाउनबाट कहिले मुक्ति पाउला विश्वले ?
२९ चैत्र २०७६, शनिबार

लकडाउन थप्न सजिलो, तर थाम्न ?
२९ चैत्र २०७६, शनिबार

प्रधानमन्त्रीले भने-लकडाउन तत्काल हट्दैन, छुट्टै...
२९ चैत्र २०७६, शनिबार

‘एक महिनाअघि भारत जुन ठाउँमा थियो, हामी त्यहीँ छौँ’ डा....
२९ चैत्र २०७६, शनिबार