×

इतिहासमै पहिलोपटक विश्वका शतप्रतिशत पर्यटकीय गन्तव्य बन्द

तामाङ आवाज


१७ वैशाख, काठमाडौं । कोभिड १९ ले विश्व पर्यटन क्षेत्र कसरी शिथिल बनेको छ, यो बुझ्नका लागि संयुक्त राष्ट्र संघीय पर्यटन संगठन (यूएनडब्लूटीओ)को पछिल्लो अध्ययन नै काफी छ । संगठनले मंगलबार सार्वजनिक गरेको अध्ययन प्रतिवेदनअनुसार संसारभरि शतप्रतिशत पर्यटकीय गन्तव्य बन्द भएका छन् ।

संगठनका अनुसार विश्वका हरेक मुलुकले विदेशी नागरिकलाई घुमघामको प्रयोजनमा प्रवेश गर्न रोक लगाएका छन् । यसले शतप्रतिशत गतिविधि ठप्प भएको छ । कोभिड-१९ संक्रमणका कारण यसरी पर्यटकीय गन्तव्य ठप्प भएको व्यवसायिक पर्यटन शूरु भएयताकै पहिलो पटक हो ।

 


यसअघि पनि विश्वले ठूलाठूला संकट ब्यहोरिसकेको थियो । त्यसबेला पनि कुनै न कुनै रुपमा पर्यटकीय गतिविधि र गन्तव्य सूचारु रहेको संगठनले जनाएको छ। तर, कोरोनाका कारण भने अन्तर्राष्ट्रिय पर्यटकीय गतिविधि भने शून्यमा झरेको हो ।

संगठनले १५ दिन अगाडि सार्वजनिक गरेको तथ्यांकमा विश्वभर ९४ प्रतिशत गन्तव्यमा प्रतिबन्ध लागेको थियो । यूएनडब्लूटीओका महासचिव जुरब पोलोलिकासविल्लीले विश्वव्यापी महामारीविरुद्ध पर्यटन क्षेत्रले देखाएको प्रतिवद्धताको प्रशंसासमेत गरेका छन् ।

पछिल्ला अध्ययनहरूले पर्यटनलाई संकटपछि माथि उकास्न र त्यसको तयारी गर्न समेत सहयोग पुग्ने सुझाव दिएका छन् । संगठनले जोखिमको विश्लेषण गरी सुरक्षाको प्रत्याभूतिसहित क्रमशः यात्रामा लगाएको प्रतिबन्धहरू खुला गर्न समेत मुलुकहरूलाई आह्वान गरेको छ ।

२१७ मुलुकमा यात्रा प्रतिबन्ध

संगठनमा अहिले कुल दुई सय १७ सदस्य राष्ट्र छन् । आफ्ना सबै सदस्य राष्ट्रहरूमा यात्रामा प्रतिबन्ध रहेको संगठनले उल्लेख गरेको छ । खासगरी संगठनले कोरोनालाई विश्वव्यापी महामारी घोषणा गरेपछि यसरी प्रतिबन्ध लाग्न सुरु भएको हो ।

पहिलो पटक ३१ डिसेम्बरमा चीनको बुहान सहरमा देखिएको कोभिडलाई विश्व स्वास्थ्य संगठनले ३० जनवरीमा विश्वव्यापी महामारी घोषणा गरेको थियो ।

संगठनले २० अप्रिलसम्मको तथ्यांकलाई आधार मानेर प्रतिवेदन बनाएको छ । यस दिनसम्म कुनै पनि गन्तव्यले प्रतिवेदन खुला गरिसकेका छैनन् ।

यस्तो छ यात्रामा लागेको प्रतिबन्ध

४५ प्रतिशत : आंशिक वा पूर्ण रुपमा सीमा नाका बन्द, कुनै पनि यात्रुलाई मुलुक छिर्न प्रतिबन्ध ।

३० प्रतिशत : पूर्ण तथा आंशिक अन्तर्राष्ट्रिय उडान बन्द ।

१८ प्रतिशत : कुनै खास मुलुक तोकेर उनीहरूको यात्रामा लगाइएको प्रतिबन्ध ।

७ प्रतिशत : विभिन्न प्रकारका अनिवार्य प्रावधान -१४ दिन क्वारेन्टाइन, सेल्फ क्वारेन्टाइन, भिसा प्रावधानहरूमा भएको कडाइ।

३० प्रतिशतसम्म गिरावटको सम्भावना

सन् २०२० मा अन्तर्राष्ट्रिय पर्यटन बजारमा यात्रुको संख्या ३० प्रतिशतसम्मको गिरावट आउने प्रक्षेपण संगठनले गरेको छ ।

यो क्षतिले करिब आधा दशकसम्म पनि पूर्ति हुन नसक्नेगरी आर्थिक नोक्सानी हुने अनुमान गरिएको छ ।

नेपालमा कस्तो प्रतिबन्ध ?

संगठनले सार्वजनिक गरेको प्रतिवेदनअनुसार नेपाल सीमा नाका पूर्ण रुपमा बन्द गरिएको गन्तव्यभित्र पर्छ । त्यसमा पनि राष्ट्रिय-अन्तर्राष्ट्रिय उडान प्रतिबन्धले नेपाललाई थप कडा प्रतिबन्ध भएको मुलुकभित्र पारेको छ ।

नेपालमा २ जेठसम्म लागु हुने गरी राष्ट्रिय-अन्तर्राष्ट्रिय व्यवसायिक उडानमा प्रतिबन्ध लागेको छ । ३१ वैशाखसम्म सीमा नाका बन्द छ ।


सम्बन्धित खवर

कोरोनाविरुद्धको भेरोसेल खोप लगाउने कार्य स्थगित
१६ बैशाख २०७८, बिहीबार

गण्डकीमा सत्ताको खेल : कोरोना महामारीमाथि नै मजाक !
१६ बैशाख २०७८, बिहीबार

तामाांग समाज नेदरल्याण्डको सस्थागत गठन - अध्यक्षमा श्री...
२१ मंसिर २०७७, आईतवार

संक्रमणको जोखिममा उपत्यका, निषेधाज्ञा लगाएर के गर्दैछ...
१३ भाद्र २०७७, शनिबार

काठमाडौंमा संक्रमितको संख्या बढेपछि…
६ भाद्र २०७७, शनिबार

कविताको बाँसुरीमा माटोको धुन !
६ भाद्र २०७७, शनिबार

तामाङ समाज नेपालको प्रथम साधारण सभा सम्पन्न
२२ श्रावण २०७७, बिहीबार

गुठीद्घारा फ्रन्टलाइनमा खटेका पत्रकारलाई स्वास्थ्य...
१४ श्रावण २०७७, बुधबार

मध्यभोटेकोशी हाइड्रोपावरमा क्षति, एक चिनियाँ प्राविधिक...
२५ असार २०७७, बिहीबार